Riddu-sihkkelastin

Riddu Riđđu lea birasčuovgadoardna, ja mii bargat čađat áigge dahkan dihte festivála ain ruotnaseabbon. Dán jagáš ođas lea ahte mii hástalit nu máŋgasa go vejolaš boahtit festiválii iežas deahkkefámuid vehkiin.

Govven:www.finndittbilde.no

Dál lágiduvvo vuosttas gearddi Riddu-sihkkelastin Romssas Olmmáivággái. Sihkkelastimii sáhttá searvat maid mátkki nalde, juogo Garganis, Čávkohis dahje Ivgubađas. Tuvra bistá guokte beaivvi ráfálaš leavttuin, muhto ávkin lea juos leaččat dábálaš buori vuoimmis. Mátkki nalde šaddet maid bisáneamit oktan kultuvrralaš bihtážiin.

Sihkkelastiid čuovvu maid okta biila, mii lea veahkkin juos bohciideš juoga váttisvuođat, ja dat fievrrida maid oasseváldiid gálvvuid. Gaskavahku eahkedis vuordá Čávkohis njálgga biđus lávus, ja doppe šaddáge suohtas ovttastallan dollagáttis ovdalgo ferte čákŋalit nohkkanseahkaide.

Nuppi beaivvi mátkki čuovvu čáppa Ivguvuona, ja Ivgubađas joavku bisánastá veháš guhkibuš. Ovttafáru dát searas sihkkelastit dasto bohtet festiválabáikái duorastaga veaigin, jur ovdalaš almmolaš festiválarahpama.
Oassálastin lea nuvttá. Dieđihit sáhttá gitta ovdalaš vuolgima, muhto ávžžuhit gal attestit dieđu ovddalgihtii organiserema geažil.  
 
Fornavn*:
Etternavn*:
Mobil*:
E-post*:
   
   
   
Akkrediteringsystem levert av akkreditering.net DA
10. juni 2009 Ragnhild Dalheim Eriksen