Ságastallan álgoálbmogiid vealaheamis

- Álgoálbmogat ožžot eanet dieđuid iežaset vuoigatvuođaid birra go Dásseárvo- ja vealahanáittardeaddji oasálastá festiválas. Min ovttasbargu addá liibba ságastit vealaheami birra sámi servodagas, lohká Riddu Riđu fesitválajođiheaddji Ragnhild Dalheim Eriksen.

 

Lea vuosttaš geardde áittardeaddji ja Riddu Riđđu ovttasbargaba. Dásseárvo- ja vealahanáittardeaddji dat válddii oktavuođa, ja Riddu Riđđu lei ovttatmáno mielas ovttasbargat.

- Mun doaivvošin ahte áittardeaddji šattašii oahpisin, nu ahte sápmelaččat geat dovdet iežaset vealahuvvon dihtet gos ožžošedje veahki, lohke dásseárvo- ja vealahanáittardeaddji Sunniva Ørstavik.

 

Riddu Riððu lea riikkaidgaskasaš álgoálbmotfestivála mii lágiduvvo suoidnemánu 21.-25. beivviid Gáivuonas. Festivála lea lágiduvvon jagi 1991 rájes. Dán jagáš festiválii boahtá Mari Boine oktan Zanzibar gussiiguin, Tinariwen (Mali), Wimme (Sápmi), Urna (Mongolia), Nanook (Ruonáeatnan), Noid (Ruošša) og F. A.C.E (Norga).

 

Áittardeaddjis lea sierra diehtojuohkinbáiki festiválas. Dasalassin lágida ságastanseminára: Vuoiggalašvuohta ja vuoigatmeahttunvuohta Sámis. Áittardeaddji lea hástalan mángasa sámi birrasis muitalit fearániid mat livčče čilgen doahpagiid vuoiggalašvuođa ja vuoigatmeahttunvuođa, earret eará ožžondandihte ovdan vealahanvásáhusaid. Vuosttaš amanuensa Britt Kramvig Romssa universitehtas jođiha ságastallama. Kramvig lea ea.ea. čállán vuostálas árvvuid birra sámiid ja dažaid árgabeaivvis.  

 

- Dát lea vuogas vejolašvuohta čálmmustit vuoiggalašvuođa ja vuoigatmeahttunvuođa sámi servodaga. Dán birra leat uhccán ságastallan siskkáldasat sámi birrasis, ja sámiid ja dažaid gaskas ge, lohká Ragnhild Dalheim Eriksen. Su mielas lea Norgga álgoálbmogis buorre dilli, og boahtastahttá eará álgoálbmogiin máilbmes, muhto hástálus lea baicce gávdnat vuogas sajiid ságastallat vealaheami birra. 

 

- Mun illudan sámi ja eará álgoálbmot kultuvrraid deaivvadeapmái Riddu Riđu festiválas, lohká Sunniva Ørstavik.

Áittardeaddjis lea áigumuš leat festiválain ja eará doaluin gos olbmot čoahkkanit. Mađe viidát oktavuohta áittardeaddjis lea, dađe eanet dieđuid ja gelbbolašvuođa háhká dan vealaheamis mii geavvá. Vealaheapmi čearddalašvuođa vuođul lea juoga maid áittardeaddji erenoamážit čálmmustahttá. Danin lea lunddolaš leat Riddu Riđu álgoálbmotfestiválas. 

 

Oktavuođaolbmot:

Ragnhild Dalheim Eriksen, tlf.: 951 42 472

Festiválajođiheaddji, Riddu Riððu Festivála

 

Helge Olav H. Ramstad, tlf.: 915 98 856

Ráđđeaddi, Dásseárvo- ja vealahanáittardeaddji