Riddu Riđđu - semináraprográmma

Bearjadaga leat Sesamseminára ja oskoseminára. Loga eanet min semináraprográmma birra dás.

Govva: Tore Figenschou

Riddu Riđđu ii leat dušše báiki, gos sáhttá vásihit fiinnis álgoálbmotkultuvrra; dat lea maid okta dain deháleamos deaivvadanbáikkiin Sámis. Danin leage Riddu Riđđu ráhkadan gelddolaš semináraprográmma. Dán jagáš seminárain leat fáddán ee. dálkkádatrievdamat, dásseárvu ja vealaheapmi Sámis, Ruonáeatnama giellapolitihkka ja báikkálaš resurssaid ávkkástallan Davvi-Norggas.
- Dát semináraprográmma speadjalastá dan áiggi, mas mii eallit dál, ja daid hástalusaid, mat leat min ovddabealde. Dat, govt mii válljet hálddašit iežamet resurssaid, mearrida hui guhkás dan, govt min boahtteáigámet šaddá leahtit, dadjá festiválajođiheaddji Ragnhild Dalheim Eriksen.

 

Dáiddaseminára, oassi 1


Áigi: Gaskavahkku 21.07.10 bie. 15.00
Báiki: Lávddáš

Dán jagáš dáiddavuoruheapmi, KOLT RIDDU, álgá seminárain, man fáddán lea "Dálkkádat rievdadallan álgoálbmogiid čalmmiid čađa". Doppe sáhttet guldaleaddjit deaivat dáiddáriid ja ságastallat, govt festiváladáiddárat ja sin duojit guoskkahallet dán fáttá.

Oskoseminára

- "Luondu váruha" - Guldalitgo mii eadnámet Eatnama?

Áigi: Bearjadaga 23. 07.10  bie. 15.00-17.30
Báiki: Lásságámmi, Ivgubahta
Ságajođiheaddji: Anne Dalheim

Suohkanbáhppa Kjell Skog muitala girku barggus, govt olbmot hálddašit Sivdnádusa, ja maid min risttalaš ovddasvástádusa birra. Dilálašvuođas lea vejolašvuohta ságastallamiidda ja gažaldagaide. Ráddjejuvvon sajiid geažil fertet don dieđihit iežat ovddalgihtii.


Vuoiggalašvuohta ja eahpevuoiggalašvuohta Sámis


Áigi: Duorastaga 22.07.10 bie. 12-14
SEMINÁRA LEA SIRDOJUVVON Guossohanlávvui (vilges lávvui)

Riddu Riđđu ja Norgga dásseárvo- ja vealahanáittardeaddji sávvet dán jagṚ festiválas bidjat dásseárvvu ja vealaheami Sámis ságastallama vuollái. Olbmot ieššguđetlágan sámi birrasiin bovdejuvvojit doallat sáhkavuoruid dán fáttá birra iežžaset oaidninčiegas. Maŋŋá sáhttet dasto guldaleaddjit ovddidit gažžaldagaid rabas ságastallama áigge.
 
Viiddis birrasiin čohkkejuvvon panela hástaluvvo muitalit dáhpáhusaid, mat sáhttet čuvgehit ja guorahalla,t maid doahpagat vuoiggalašvuohta ja eahpevuoiggalašvuohta mearkkašit. Ságastallamiid álggus doallá Dásseárvo- ja vealahatáittardeaddji Sunniva Ørstavik sáhkavuoru. Das maŋŋá ságastallama jođiha vuosttašamanueansa Britt Kramvig, Romssa universitehtas.

Dakkár birrasat ja ovttaskasolbmot, geaid barggut guoskkahit dáid fáttáide, bovdejuvvojit erenoamážit oassálastit. Panela oasseváldiid ja guldaleddjiid gaskasaš debáhttii addojuvvo vejolašvuohta.  
 
Seminára lea heivehuvvon bealjehemiide.

 

Nordlys-seminára - Leago norgga sámepolihtihkka feilen?

Geahča filmma Fjellfinnhua: Duorastaga 22.07.2010 bie. 14.00
Ságastallan: Duorastaga 22.07.2010 bie. 16-18

SEMINÁRA LEA SIRDOJUVVON: Nisga'a Longhouse

Ságajođiheaddji: Hans-Kristian Amundsen

Guro Saniola Bjerka filbma "Fjellfinnhua" navdá, ahte Finnmárku lea rahtaseamen etnalaš giččuid geažil. Filbma oaččui bahča kritihka, ja das maŋŋá šattai áibbas jaskat. Sihtetgo elihtasápmelaččat jaskkodahttit dakkár ságastallama, masa sii ieža eai liiko?

 

Nordlys ja Riddu Riđđu váldet ságastallama bajáš: Galgetgo sámiin leat eanet ja iežá vuoigatvuođat go maid eanáš dážain leat?

 

Ságastallamii oassálastet:

  • Guro Saniola Bjerk, filbmadahkki Finnmárkkus
  • Helga Pedersen,  Bb. stuorradiggejoavkku parlamentáralaš jođiheaddji
  • Bjarne Store Jakobsen, Sámediggeráđi politihkalaš ráđđeaddi
  • Anne Julie Semb, stáhtadiehtti Oslo universitehtas

Filbma Fjellfinnhua lea oassin dán jagáš filbmaprográmmas 

 

Sesam-seminára

Áigi: Bearjadaga 23.07.2010 bie. 13.00-14.30

Báiki: Nisga´a Longhouse, Riddogiettis, Olmmáivákkis

Seminára lea eŋgelasgillii.

Dán jagáš guokte sáhkavuorudolliin leaba goappašagat čađahan riikkaidgaskasaš "Master’s in Indigenous Studies" studerenprográmma, mii jahkásaččat geasuha studeanttaid miehtá máilmmi.

Fokus Ruonáeatnan - govt hukset beaktilis guovttegielat oahppovuogádaga? 

Ivalu Søvndahl Pedersena sáhkavuorru gieđahallá Ruonáeatnama giellapolitihka. Erohussan máŋgga iežá álbmotgielaid ektui, de ruonáeatnangiella ii adnojuvvo jábmi giellan. Dan sajis lea ruonáeatnangielagiid lohku lassáneamen dán áigge. Hástalus lea go olbmot fertejit oahppat dánskagiela beassat viidáset ohppui. 

Muhto govt sáhttá hukset beaktilis guovttegielat oahppovuogádaga?

Fokus Davvi-Norga - Oljofitnodat Enisa ságastallan riddosuohkaniiguin ja Sámedikkiin.

Kristian Aambø fas bealistis muitala álgoálbmogiid dáistaleamis báikkálaš resurssaid ávkkástallamis Davvi-Norggas. 

Oljofitnodat Eni lea Barentsábi Goliat-prošeavtta duohken. Fitnodat lea ságastallame sihke Sámedikkiin ja riddosuohkaniiguin davvin, muhto dát ságastallan čađahuvvo hui goabbat ládje.

Akta Ambø jearaldagain lea "Berrešedjego álgoálbmogat geavahit ságastallama oažžun dihte kontrolla iežaset resurssaide?" 

Guossohit biđđosa.

 

 

Daiddaseminára, oassi 2


Lávvordaga 24.07.10 b ie.15.00
Báiki: Nisga´a Longhouse, Riddogiettis, Olmmáivákkis

Lávvordaga mii bovdet ođđa miniseminárii. Dán jagáš prošeavtta dáiddárat muitalit  iežaset persovnnalaš vuogis gieđahallat dán fáttá. Mii jearrat maid: "Sáhttágo dáidda čalmmustahttit dálkkádatnuppástusaid čuovvumušaid – ja leatgo dán jagáš dáiddaduojit nákcen dahkat dan?" Sámi dáiddárorganisašuvnnat ja olles dáiddasuorgi erenomážit bovdejuvvo dán lágideapmái. Dieđiheapmi  www.riddu.no

 

 

22. juli 2010