Ođđa násttit

Riddu Riđđu Festiválii čoagganit ollu taleanttat. Gelddoleamos lea goit oaidnit gait daid ođđa taleanttaid. Riddu Riđđu Festivála sáhttá rámiin almmuhit Riddu Násttit -taleantagilvvu, mas bálkkašupmin lea olles 25.000 ruvnnu Telenoras.
Don sáhtát searvat, juos leaččat 13-25 jahkásaš, geas lea sáme- dehe kvenaduogáš, dehe gii orru sámi/kvena guovllus. Riddu Násttit ohcala gaitlágan dáiddahámiid, mat leat heivehuvvon lávddis ovdanbuktimii. Musihkka, dánsa, filbma, performance, teáhter, ja gait iežá mii du mielas leaš dáidda! Ja Riddu Násttit ávžžuha gait ohcciid vuosehit iežaset sáme- dehe kvenaidentitehta ja gullevašvuođa. Oassálastiid gaskkas mannet njeallje finalistta váldogilvui, mii čađahuvvo festiválaáigge Riddu-lávddis.
Eanet dieđuid ohcangáibádusaid birra, ja geat leat oassálastimin, gávnnat min neahttasiidduin www.riddu.no. Ohcanáigemearri lea geassemánu 18. b.

Njuolggadusat/kriteriat oassálastimii


1. Materiála galgá leahtit iešbuvttaduvvon.
2. Ohcciin galgá leahtit sámi dehe kvena duogáš, dehe son ferte ássat sáme-/kvenaguovllus. 
3. Ahkerádjin lea 13-25 jagi.
4. Mii ávžžuhit gait ohcciid juoga láhkai ovdanbuktit iežaset sámi ja/dehe kvena identitehta ja gullevašvuođa iežaset bihtás. Ohccit sáhttet ieža friddja válljet govt sii dan dahket.
5. Loaiddasteapmi galgá bistit gaskal 15 ja 20 minuhtta.


Ohcamušas galgá leahtit mielde:


- Oanehis govvádus ohcci birra (namma, ahki, ruovttubáiki, oktavuođadieđut)
- Bihtá govvádus
- 2-3 allačuokkisčohkkosaš gova,
- Demo (audio/video)
- Ovddeš loaiddastanhárjáneapmi, ja iežá kultursuorggi barggut
- Mottiin sániin muitalit, maid don/dii barggašit/barggažehpet vuoitostipeanddain, mielas maid áigerámmaiguin

Sáddejuvvo poastta mielde:
Riddu Riđđu Festivála
Postboks 237
9144 Samuelsberg

Dehe e-boastta bakte:
riddu@riddu.no

Gažaldagat? Váldde oktavuođa Magnus Tornensisain: mtornensis@gmail.com, dehe tel. 95 19 74 56
 

 

4. juni 2010 Henrik Olsen