Riddu Riđđu Nuoraidorohat:

Dát leat dušše smáhkabinnát das mii dáhpáhuvvá dán jagáš Riddu Riđđu Nuoraidorohagas

Okta Davvi-Norgga buoremus hip-hop joavkkuin, Undefined, áigu guokte beaivvi oahpahit hip-hop nuoraide Riddu Riđđu-giettis.

Nuoraid orohaga jođiheaddji, Nils Lyshaug (18), lea hui ilus go Undefined oahpaha Riddu Riđu nuoraide dánsut hiphop. Workshopa boađusin šaddá show mii vuosehuvvo muhtun Riddu Riđđu lávddis.

- Mii leat hirbmat movttegat danne go Undefined boahtá, lohká Lyshaug. Undefined áigu maid rahpat nuoraidkonseartta duorastaga, ja áltálaš punk-joavku Cyaneed fas loahpaha konseartta.

Vuoitte iPod

Duorastaga suoidnemánu 10. b. rahppojuvvojit sihke festivála ja nuoraidorohat mii lea Riddu Riđu gárrenmirkkohis fálaldat nuoraide gaskal 15 ja 18 jagi.

- Garvve gárrenmirkkuid ja vuoitte áibbas ođđa iPod, hástala Nils. Spaceworld Nerstranda gávpeguovddážis Romssas doarju nuoraidorohaga ja addá Apple iPod touch mas lea 8 GB. Dán sáhttet orohaga oasseváldit vuoitit go váldet festivála gárrenmirkkohis-teastta maid orohat lágida juohke goalmmát diimmu.

Nils hástala gait 15-18 jahkásaš nuoraid dieđihit iežaset nu jođánit go vejolaš:

- Ale fal manat dán geasi buoremus festiváladáhpáhusa nuoraide!

Konsertii ja hiphopii lassin fállá nuoraidorohat doaimmaid nugo hábmet t-báiddiid ja idjaspábbačiekčamiid.

. Sisabeassanlihppu máksá 500 ru. Gávnnat eanet dieđuid ja dieđihepmi dás: www.riddu.no/ungdomscamp.