Njuorranan Riddu Násttit vuoiti

Čállán: Maja Finnes Sollid

Govven: Kjetil Skogli

Agnete Båtnes Braaten šarmerii gehččiid iešráhkaduvvon gitárralávlagiinnis ja luđiiguinnis, ja vuittii Riddu Riđu taleantagilvvu duorastateahkeda. Agnete ii lean vuordán vuoitit, ja leige veháš njuorranan go gulai bohtosa. Vuoitoruđaid, maid Telenor lea sponsen, son áigu atnit lávlunpedagogii ovdánahttin dihte iežas máhtu. Riddu Riđđu illuda dán jagáš vuoiti beales, ja mii sávvatge gullat Agnete čáppa jiena maid boahtteáiggis Riddu-giettis.

Geahča govvaráiddu vuoitis dás.