Máilmmipremieara Riddu Riđus:

Sámi humor riikkaidgaskasaš gehččiide

Sara Margrethe Oskalis lea máilmmi vuosttasvuosehus čájálmasainis "Guksin guollemuorran/ Full pakke/ The Whole Caboodle" Riddu Riđđu festiválas duorastaga 16.7. bie. 13.00.

Čállán: Anneli Brannfjell 14.07 2009

 

Čájálmas lea áidnalunddot dainna lágiin, ahte dat gulahallá sihke sápmelaš ja riikkaidgaskasaš gehččiiguin. Dán ii galggašii gal oktage leat oainnekeahttá, dadjá festiválajođiheaddji Ragnhild Dalheim Eriksen.

Vuosehus lea su doavttirgrádabarggu boađus Oslo Dáiddaallaskuvllas, ja barggu vuolggasadjin lea humor sápmelaš muitalanárbevieruin ja luđiin. Doavttergrádabargu eaktuda ahte dát su golbma muitalusa galget leahtit ipmirdahttit maid riikkaidgaskasaš gehččiide, ja dan dát vuosehus gal duođaige lea! Son leaikkastallá seammaáigge sihke sáme- ja eŋgelasgillii tabu áššiid birra.


Boađe geahččat mo son dahká dan!

Oktavuođaolmmoš: Sara Margrethe Oskal, tel. 917 98 718, Festiválajođiheaddji Ragnhild Dalheim Eriksen, tel. 951 42 472