Viiddis kursaprográmma
Dás don gávnnat gait daid kurssaid, maidda sáhtát oassálastit dán jagáš festiválas. Dát addet vejolašvuođaid oahpásmuvvat nu báikkálaš go maid máilmmeviidosaš álgoálbmotkultuvrii! Dieđihaninfo ja skovvi vuolimuččas.
Kursafálaldat Riddu Riđus 2010
Dieđihanskovvi vuolimuččas
Čuojanasat - fádnukursa
Kursa bistá guokte beaivvi:
Duorastaga ja bearjadaga suoidnemánu 22. ja 23. beivviid bie. 11-15.
Vuosttaš geardde lágiduvvo rabas kursa ráhkadit čuojanasaid, mat leat jávkan sámi árbevieruin. Oasseváldit ožžot oahppat ee. ráhkadit fátnu, mii lea boskkas ráhkaduvvon sápmelaš bossunčuojanas. Dokumeantafilbma "Jakten på urtonen" (Álgošuoŋa ohcan) lea oassin dán kurssas. Kursa lea nuvttá festiválagussiide. Čoahkkaneapmi: Info-visoža luhtte.
Juoigankursa
Kursa bistá guokte beaivvi:
Duorastaga ja bearjadaga suoidnemánu 22. ja 23. beivviid bie. 11-15.
Kárásjohkalaš Biret Alehtta Mienna doallá dán jagi maid juoigankurssa, mas don beasat oahppat juoigat árbevirolaš luđiid. Kursa lea nuvttá festiválagussiide. Čoahkkaneapmi: Info-visoža luhtte.
Urttaskursa
Sáhtát oassálastit kursii juogo:
Duorastaga suoidnemánu 22. b. bie. 11-16.00, dehe
Bearjadaga suoidnemánu 23. b. bie. 11-16.00.
Dán kurssas oahpat dovdat sierralágan urtasiid, mat šaddaduvvojit Davvi-Norggas. Kursa dollojuvvo olgun, danin berrejit oasseváldit gárvodit dálkki mielde. Kursa lea nuvttá festiválagussiide. Sisttisdoallá sáhtu Lien-urttasdállui. Čoahkkaneapmi: Info-visoža luhtte.
Festiválasámegiella
Kursii sáhtát oassálastit juogo duorastaga dehe bearjadaga:
Sámegielkursa lea bie. 12-14.00 goappašat beivviid.
Dás beasat oahppat festiválasámegiela, man juohkehaš sámefestiválii oassálasti berrešii máhttit. Oahpat gait das, gii don leat gitta dasa, gos don gávnnat hivssega. Kursa lea nuvttá festiválagussiide. Čoahkkaneapmi: Info-visoža luhtte.
Festiválaruoššagiella
Kursii sáhtát oassálastit juogo duorastaga dehe bearjadaga:
Ruoššagielkursa lea bie. 14.-16.00 goappašat beivviid.
Dán kurssas dus lea vejolašvuohta oahppat festiválaruoššagiela, man sáhtát geavahit go galggat gulahallat min máŋggain gussiiguin ja artisttaiguin, geat leat boahtán miehtá Ruošša. Kursa lea nuvttá festiválagussiide. Čoahkkaneapmi: Info-visoža luhtte.
Datneárpočiŋaheapmi
Kursa bistá guokte beaivvi:
Duorastaga ja bearjadaga suoidnemánu 22. ja 23. beivviid bie. 11-15.
Karin Karin Olsen doallá kurssa das govt čiŋahit datneárppuin. Datneárpočiŋaheapmi lea lulli- ja julevsámiid árbevierru, ja dáinna herve gávttiid, lávkkaid ja čiŋaid. Kursa láve dievvat hui jođánit, dieđit iežat danin odne juo. Kursaoasseváldit mákset smávva supmi ávdnasiid ovddas. (Muitte fal čielga ruhtan, máksin čoahkkaneami oktavuođas. ) Čoahkkaneapmi: Info-visoža luhtte.
Šaddobáidnin
Kursa bistá guokte beaivvi:
Gaskavahku ja duorastaga bie. 10.30-17.30
Kurssas oahpat báidnit láiggiid luondduivnniiguin. Kursabáikin lea Miessegietti mearrasámi dállu, Biertaváris. Ieš báidnin dáhpáhuvvá olgun dollagáttis, nugo dolinlávii. Mii viežžat ieža luonddus šattuid, ja danin lea dehálaš gárvodit dálkki mielde. Buorit skuovat berrejit lea badjelis. Kursabáikkis lea vejolašvuohta maid oastit lákcabuvrru. Kurssa lágida Biertavári duodjesearvi. Kursa máksá 675 ru. oktan ávdnasiiguin. Máksin kurssa álggus. Sisttisdoallá maid sáhtu. Čoahkkaneapmi: Info-visoža luhtte.
Vepsaid dohkkákursa
Duorastaga suoidnemánu 22. b. bie. 12-15.00
Vepsat leat dovddus erenoamáš čáppa gieđain ráhkaduvvon hearvagoroldagain, govvagođđimis, keramihkas ja dohkáin. Dohkáid gárvvohedje gollan biktasiin váldojuvvon liinniide. Dohkáide ii galgan málet ámadaju, dasgo sin jáhku mielde dain ii lean ámadaju haga heagga, ja dalle eai bahávuoiŋŋat bastán daidda. Dainna lágiin dohkát eai lean váralaččat mánáide. Festiválas besset olbmot oahppat eanet vepsaid duoji birra, ee. vepsalaš dohkáidráhkadankurssas. Nuvttá festiválaoasseváldiide. Báiki: Olmmáivákki duodjeviessu. Váldde Riddu-busse vulos Lávkgieddái. Duodjeviessu lea Statoila duogábealde.
Vepsaid biebmokursa
Bearjadaga suoidnemánu 23. b. bie. 11-15.00
Her Dás besset olbmot maid smáhkestallat vepsaid árbevirolaš biepmuid. Čoahkkaneapmi: Info-visoža luhtte. Nuvttá festiválaoasseváldiide.
Mongolalaš lávlunteknihkka
Kursa bistá guokte beaivvi:
Duorastaga ja bearjadaga suoidnemánu 22. ja 23. beivviid bie. 12-15.00.
Urna lea okta dán jagáš Riddu-artisttain, ja son addá dutnje vejolašvuođa oahppat mongolalaš lávlunteknihka. Urna boahtá siskkit Mongolias, gos lávlunárbevierut leat hui iežáláganat, erenoamážitge "guhkálávlumis", mas oasseváldit ohppet doalahit jienaid nu guhká go vejolaš. Nuvttá festiválagussiide. Čoahkkaneapmi: Info-visoža luhtte.
Riidentuvra Čáhppohii
Okta tuvra máksá 400 ru. ja bileahtaid sáhttá oasti info-visožis. Sisttisdoallá sáhtu. Čoahkkaneapmi: Info-visoža luhtte.
Bearjadaga 10.30-13.30 dehe 14.30-17.30
Lávvodaga 10.30-13-30 dehe 14.30-17.30
Maiddái dán jagi fievrrida “Lyngshestlandet" du Čáhppohii, Olmmáivákki sisa. Doppe oaččut oaidnit govt ivguheastta leat ovddeš áiggiid geavahan, ja oahpat maid, man nannosit ivguheastta ruohttasat čatnasit Olmmáivággái. Oahpásmuvat maid Čáhppoha historjái, govt Čáhput leat áiggiid čađa geavahuvvon. Čáhput-tuvrrat leat hui bivnnuhat, ja danin čađahitge daid máŋgga geardde festivála áigge.
Filbmakursa nuoraide
Gaskavahkus suoidnemánu 21. beaivvis sotnabeaivái suoidnemánu 25. beaivái.
Kursa lea nuoraide, geat vázzet nuoraidskuvlla dehe joatkkaskuvlla.
Internationala Sámi Filbmaguovddáš bovde nuoraid- ja joatkkaskuvlla ahkásaš nuoraid filbmakursii. Giehtačállosis filbman lea geavatlaš filbmabádji, gos oahpat ráhkadit filmmaid. Bagadalli, filbmapedagoga Stein Bjørna, geahču vuolde dii čállibehtet mánusa, govvebehtet ja čuohppabehtet oanehisfilmmaža viđa olbmo joavkkuin. Eanemusat 15 oasseváldi.
Dieđiheapmi
- It dárbbat ovttage kursii makkárge ovdamáhtuid.
- Kurssaide leat ráddjejuvvon mearri sajit, nuba dieđit iežat áiggil!
- Čuovo festivála diehtotávvaliid ožžun dihte eanet dieđuid kurssain, báikkiin ja vejolaš rievdadusain.
- Čoahkkaneapmi 15 minuhtta ovdan kursaálgima
Dieđihanskovvi kurssaide:
Merke ruossain daid kurssaid, maidda siđat oassálastit. Juos siđat oassálastit eanet kurssaide, de čális mielas teakstakássii nummaraston (1-6) vuoruhanlisttu daid kurssain.