Inga Juuso

Bearjadaga maŋŋa dii 19:00

Vásit skearruinis áigeguovdilis Inga Juuso gaskageasi ijas.

Riddu Riđđui boahtit dása lassin:

 

Patrick Shaw Iversen, Peter Baden, Steinar Raknes, Kenneth Ekornes, ja Roger Ludvigsen.

 

Čállán: Riddu Riđđu
Govven: Pressebilde
 
Viimmát boahtá Inga Juuso, Romssa fylkkajuoigi, Riddu Riđu lávddi nala. Juuso lea dáid áiggiin okta dain eanemus promineanta artisttain Sámis. Ii dušše soloartistan muhto maid ovttasbarggus iežá artisttaiguin.
Son almmustahttá dán jagi ii dušše ovtta, muhto guokte skearru. Váimmu Ivnnit – Pattern  Of TheHeart, ovttasbargu norgga musihkkanásttiin nugo omd. Patrik S Iverseniin ja Peter bandenin. Ja Skáidi – Where the Rivers Meet, lea duo-skearru ovttas jazzbassistain Steinar Raknesain.
 
Luohti ja jazz
Juuso lea bajásšaddan árbevirolaš luđiin ja oahppan dan nugo dat juigojuvvo Álaheaju-Guovdageainnu guovlluin. Son lea máŋggabealat vokalista guhte mielas oaidná musikálaš rájiid badjel ja maid bargá daid rastá. Ovttasbargguinis iežá kultuvrraid artisttaiguin lea son bajidan luođi ođđa dássái. Musikálalaš mátki boađusin lea su stiila dál nannosit čatnasan árbevieruide, ja seammás maid ohcala iežá guovlluide. Su dáhttu já máhttu improviseret ja geahččaladdat musihkain skáhppo ravki ja beaškkihahtti hámi.
Camilla Brattland