Girjjálašvuohta busses

Festiválagirjerádju rulle Riddu Riđđui bahkkadievva kvalitehta prográmmain. Boađe ja gávnna juoidá iežat miela mielde. Festiválagirjerádju lágiduvvo dál goalmmát geardde. Nugo ovdalge de lea girjerádju rabas gaskavahkus sotnabeaivái. Doppe sáhttá bosihastit ja jugistit gáffe- dehe deadjagohpa, logadit aviissaid, bláđiid ja girjjiid, luoikkahit dihtora dehe oažžut oktavuođa árppohis nehttii.

Čállán: Edel Olsen / Govven:

Ođas dán jagi lea sierra musihkkaguldalanstašuvdna. Busses gávdno girje-, musihkka- ja filbmačoakkáldat, man eanaš oasit guoskkahit sámiid ja iežá davvilaš álgoálbmogiid.

Mis lea dán jagi maid iežamet girjjálašvuođaprográmma, mas leat ollu buorit dáhpáhusat. Sáhttit máinnašit ee. girjelávguma Bente Pederseniin ja girječállideaivvadeami Sigbjørn Skådeniin ja Easterine Iraluin. Mánáidfestivála oasseváldit fas ožžot deaivvadit mánáidgirječálliguoktáin Siri Broch Johanseniin ja Torkel Rasmusseniin, geas goappásge lea gieskat almmustuvvan mánáidgirjji njealji gillii: dáro-, davvisáme-, lullisáme- ja julevsámegillii.

Tromssa fylkkagirjerádju almmustahttá guovttegielat gihppaga, mas leat dovddus sámi lyrihkkára ja girječálli Rauni Magga Lukkari teavsttat ja biografiija. Dan festiválagirjerádju ávvuda logaldallamiin su birra. Jagi nuorra artista Niillas Holmberg addá minsiidda máistinbihtážiid iežas divttainis davvisáme- ja eŋgelasgillii – oktan gitárračuojahemiin.

Festiválagirjerádju lea leamaš, ja lea ainge Riddu Riđu, Tromssa fylkkagirjeráju ja Gáivuona girjeráju ovttasbargoprošeakta. Ođasin dán jagi lea ahte Sámedikki girjerádju maid lea searvan dasa, ja oassálastá girjerádjobargiiguin festiválagirjerádjui.

Rahpanáiggit:

Gaskavahkus lávvordahkii: bie.  11-19

Sotnabeaivvi: bie. 11-13

 

Gaskavahkku suoidnemánu 21. b:

 

14.30-15: Torkel Rasmussen muitala ja lohká girjjistis Áigin Lávra – Bassegohpi geassi (noaideskuvla birra mánáide). Nisga'a viessu

 

Duorastaga suoidnemánu 22. b:

 

11-12: Rauni Magga Lukkari – Romssa fylkkagirjerádju almmustahttáigihppaga girječállis ja poehtas davvisáme- ja dárogillii. Universitehtalektor Lill Tove Frekriksen doallá smávva logaldallama, ja girječálli ieš lohká teavsttaid  – Festiválagirjerádju

 

12-13: Deaivvadeapmi vepsalaš poehtain Nikolaj Abramoviin. Bente Imerslund muitala álggus su birra.. Lágideapmi manná eŋgelasgillii – Festiválagirjerádju

 

15.30-16: Siri Broch Johansen muitala ja lohká aiddo almmustahtton girjjistis  Sárá beaivegirji – Nisga’a-viessu

 

15.30-16: Cuvccasboddu 2-5 jahkásaččaide. – Festiválagirjerádju /busse

 

19-19.45: Lex Sápmi – Čájálmas. Rauni M. Lukkari ja Anitta Suikkari – Nisga’a-viessu

 

Bearjadaga suoidnemánu 23. b:

 

11-12: Girjelávgun – Bente Pedersen ságastallá Aud Tågain maŋimuš girjeráiddu Tre søstre birra. – Festiválagirjerádju

 

12-13: Jagi nuorra artistta Niillas Holmberg. Son lohká iežas divttaidis sáme- ja eŋgelasgillii. Su ustit Roope Mäenpää mieđušta gitárain.  – Festiválagirjerádju

 

15.30-16: Cuvccasboddu 2-5 jahkásaččaide. – Festiválagirjerádju /busse

 

Lávvordaga suoidnemánu 24. b:

 

11-12: Girječállideaivvadeapmi: Easterine Iralu ja Sigbjørn Skåden

 

15.30-16: Cuvccasboddu 2-5 jahkásaččaide – Festiválagirjerádju /busse

 

Festivála áigge mii blogget aktiivvalaččat, čuovo mielde mii dáhpáhuvvá.

Čuovvul Riddu-bibliotehkáriid blogga dás

.



 

11. juni 2010 Ragnhild Dalheim Eriksen