Gehččiid olahus buoremus Riddu Riđđu festiválas goassige!

4282 máná ja rávesolbmo návddašedje Gáivuonas daid fantásttalaš festiválabeivviid áigge. Eai goassige ovdal leat nu máŋgasat leamaš Riddu Riđus, ja dát gehččiid olahus šattai arvvis fuolakeahttá!

Buffy Sainte-Marie konsearta lei dieđusge doaluid alimus boddu, muhto festivála sáhttá muitalit ahte maid iežá lágidemiin ledje eanet geahččit/oasseváldit go goassige ovdal. 20236 lágidemiin finadeaddji leat registrerejuvvon dán hohpolaš njeallje beaivvi áiggis.

- Mii leat hui duhtavaččat gehččiid lohkui, artisttaide, bargiide ja eaktodáhtolaččaide. Dát festivála duođaige čállojuvvo historjágirjjiide, dadjá festiválajođiheaddji Ragnhild Dalheim Eriksen. Ođas dán jagi lei ahte festivála fertii rahpat goalmmát bearašorohaga, go nu máŋga mánnábearraša bohte festiválii.  

 

Geahča govaid dán jagáš Riddu Riđđu festiválas.

20. juli 2009