Biras guovddážis

Álgoálbmotfestivála Riddu Riđđu lea čađat bidjan birasgažaldagaid guovddážii, ja beasságe čevllohallat go lei vuosttaš festivála Norggas mii sertifiserejuvvui birasčuovgadoardnan.

 

Čállán: Therese-Merete Lindseth
 
Riddu Riđu mihtomearrin birasbarggus lea leahtit dakkár festivála mas lea positiivvalaš váikkuhus festiválabáikki lagašbirrasii.
– Mii bargat máŋggain biras-aspeavttaiguin, nugo kollektiivajohtolagain, bázahussirremiin ja báikkálaččat buvttaduvvon biebmoávdnasiiguin, dadjá Tor Mikalsen, Riddu Riđu birasbarggu jođiheaddji.
 
– Riddu Riđđu lea maŋimuš jagiid fállan gussiide vuoiggalaš ja ekologalaš gáfe. Ođas dán jagi festiválas lea ahte T-báiddit ja giehtabáttit leat ekologalaččat ja ehtalaččat buvttaduvvon, muitala Tor.
 
Smávva doaimmatge gánnáhit
– Mii ávžžuhit olbmuid festiválaorohagas geahpedit bázahusmeari ee. dainna lágiin ahte atnet dollasajiid gearddigeavahan grillaid sajis, ja sirrejit bázahusaid. Jus juohkehaš veahkeha veháš de sáhttit mii ovttas geahpedit luonddu golaheami sihke báikkálaš ja globála dásis, hástala Tor.
 
3. July 2008 Camilla Brattland