F.A.C.E it

 F.A.C.E joavkkus leat Per Kristian Trollvik, Paulo Velasquez ja Øivind Sjøvoll. Joavku debuterii

Insomniafestiválas Romssas jagi 2009. Joavku lea vuolláičállán skearrošiehtadusa Beatservice/VME lágádusain, ja juo miesse-/geassemánus almmustuvvá sin vuosttaš single. Olles CD boahtá dasto borge-/čakčamánus dán jagi.

-      Sáhttá dadjat, ahte mii leat gullat dego Mozart deaivvadivččii MSTRKRFT:in, mii fas irggástallá Pet Shop Boysain. Dasgo iešguđesge mis lea nu iežálágan musihkalaš duogáš, de leat maid min inspirašuvdnagáldut oalle iežáláganat, muitala Per Kristian Trollvik. Son joatká vel:

-       F.A.C.E áigumuššan lea skáhppot albma rave Riddogieddái, ja addit dakkár šealggáhalli ja herves lávdešovva, ahte Riddu Riđđu ii goassige dan vajálduhte. Ja leahan dat suohtas beassat čuojahit dákkár festiválas, mii ii leat aiddo dovddus massiivvalaš elektromusihka fállamis. 

Ja maid dat F.A.C.E dasto máksá? Dan don sáhtát ieš mearridit, muhto lunttat ieža liikojit dán dulkomii: Fantastic Awesome Concert Experience. Ja mii jáhkit, ahte aiddo fal dan don boađát oažžutge!