Eamifilbmaprográmma bokte háliida Riddu Riđđu čalmmustahttit máilmmi eamiálbmogiid muitalusaid. Dán jagá Eamifilbmaprográmmas beasat oaidnit filmmaid maid eamiálbmogat leat ráhkadan ja/dahje leat ráhkadan filmmaid eamiálbmogiid birra ja mat čuvgejit eamiálbmogiid eallindili. Dán jagá filmmat bohtet earret eará Amazonasis, Ruoššas ja Sámis. Olles filbmaprográmma bajilgova ja dieđuid gávnnat neahttasiiddus: www.riddu.no ja sierra filbmaprográmmas.