Buffy Sainte-Marie Riddu Riđđui
Vuosttaš geardde 15 jahkái lea legendáralaš Buffy Sainte-Marie davviriikkalaš lávddi nalde. Ja sus lea mielde áibbas varas CD, Running for the Drum, mii lea su 18. almmustus.
- Buffy Sainte-Marie lea okta vuosttamuš ja beakkáneamos álgoálbmotartisttain oppa máilmmis. Dan dihte leage Riddu Riđđui stuorra gudni go son lea nannen ahte duođaid boahtá Gáivutnii boahtte gease, cealká festiválajođiheaddji Ragnhild Dalheim Eriksen.
Buffy Sainte-Marie jáhkkemeahttun artistakarriera álggii juo badjel njealljelogi jagi dás ovdal. Jagi 1962 juo son turnerii okto Davvi-Amerihkás čalmmustahttin dihte álgoálbmogiid. Ii guhká dan maŋŋil son lei ráfilihkadusa njunušolmmožin, ja su "Universal Soldier" šattai oktan lihkadusa dáistalanlávlagiin. Johtilit su namma lei eiseválddiid listtus “artisttat geat ánssášit jávohuvvot”, ja stuora radiostašuvnnat heite čuojaheames su lávlagiid.
Buffy heammástuhtti artistakarrierii gullet eanet go 18 skearroalmmustusa. Son lea bargan filmmain, ja lea leamaš ovdamanni digitála dáiddasuorggis, son lea ásahan mánáid oahpahusfoandda (Foundation for Native American Education) ja oahpaha máŋgga allaskuvllas ja universitehtas. Jagi 1982 son oaččui Oscar-bálkkašumi "Up Where We Belong"-lávlagiinnis filmmas “An Officer and a Gentleman”.
Son ii leat Davvi Šuvva 1993 rájes leamaš sámi festiválalávddis. Dál son boahtá ruovttoluotta áibbas ođđa materiálain CD:s “Running for the Drum”, mii lea báddejuvvon su iežas studios Hawaiis. Ieš son govvida CD ná: "..whiplash collection of power and beauty: folk/roots, pow wow-rock, rockabilly and dance".
Ođđa CD:i lassin almmustahttojuvvo maid dokumentárafilbma su birra: Buffy Sainte-Marie: A Multimedia Life.
Buffy Sainte-Marie jáhkkemeahttun artistakarriera álggii juo badjel njealljelogi jagi dás ovdal. Jagi 1962 juo son turnerii okto Davvi-Amerihkás čalmmustahttin dihte álgoálbmogiid. Ii guhká dan maŋŋil son lei ráfilihkadusa njunušolmmožin, ja su "Universal Soldier" šattai oktan lihkadusa dáistalanlávlagiin. Johtilit su namma lei eiseválddiid listtus “artisttat geat ánssášit jávohuvvot”, ja stuora radiostašuvnnat heite čuojaheames su lávlagiid.
Buffy heammástuhtti artistakarrierii gullet eanet go 18 skearroalmmustusa. Son lea bargan filmmain, ja lea leamaš ovdamanni digitála dáiddasuorggis, son lea ásahan mánáid oahpahusfoandda (Foundation for Native American Education) ja oahpaha máŋgga allaskuvllas ja universitehtas. Jagi 1982 son oaččui Oscar-bálkkašumi "Up Where We Belong"-lávlagiinnis filmmas “An Officer and a Gentleman”.
Son ii leat Davvi Šuvva 1993 rájes leamaš sámi festiválalávddis. Dál son boahtá ruovttoluotta áibbas ođđa materiálain CD:s “Running for the Drum”, mii lea báddejuvvon su iežas studios Hawaiis. Ieš son govvida CD ná: "..whiplash collection of power and beauty: folk/roots, pow wow-rock, rockabilly and dance".
Ođđa CD:i lassin almmustahttojuvvo maid dokumentárafilbma su birra: Buffy Sainte-Marie: A Multimedia Life.
